Arabiskt talandi talsmaðurin hjá ísraelska herinum (IDF), sum kallast Avichay Adraee, boðar frá fleiri ísraelskum álopum í Libanon.
Hetta sigur hann á X, fyrrverandi Twitter.
Fráboðanin er ætlað íbúgvum í ónevdum libanesiskum bygdum.
- Um tú ert í námindi av - ella inni í - bygningum hjá Hizbollah ella bygningum, sum Hizbollah brúkar sum vápnagoymslur, eigur tú at rýma haðani - í minsta lagi ein kilometur burtur, skrivar talsmaðurin.
##med2##
Í gjár gjørdi ísraelski herurin umfatandi loftálop á Libanon. Sagt verður, at í minsta lagi 492 fólk lógu eftirá, og fleiri enn 1645 vórðu særd.
Haraftrat eru fólk í túsundatali flýdd undan ísraelsku álopunum, og í dag sigur ísraelski herurin so, at álopini á Libanon fara at halda fram.
