Kongurin í Tailandi góðkendi í dag eina lóg, sum loyvir fólki av sama kyni at giftast í landinum.
Hetta skrivar tíðindastovan AFP.
Lógin varð samtykt av tailendska senatinum miðskeiðis í juni og manglaði góðkenning frá tailendska konginum Maha Vajiralongkorn.
Í dag skrivaði kongur undir lógina, sum kemur í gildi um 120 dagar.
Tailand verður sostatt triðja asiatiska landið, sum viðurkennir samkynd hjúnalag. Hini eru Nepal og Taivan.
Lógin er samstundis broytt soleiðis, at lýsingarnar "menn", "kvinnur", "konur" og "menn" verða skiftar út við kynsneutral hugtøk.
Tað er ikki greitt, hvørjar kynsneutralu tilnevningarnar verða.
Lógin gevur eisini samkyndum pørum somu rættindi sum tvørkyndum pørum, tá talan er um ættleiðing og arv.
/Ritzau/
