Grønlendska krabbameinsfelagið kallast Neriuffiit Kattuffiat, og forkvinna í felagnum er Elisabeth Lynge Hansen. Tá hátíðarløta varð hildin fríggjadagin, nú nýggja húsið stendur reist, var eisini stjórin í Kræftens Bekæmpelse, Jesper Fisker, eisini við til hátíðarhaldið.
- Eftir fleiri ára fyrireiking stendur fundamentið nú stoypt, og veggirnir eru komnir upp. Her verður ráðgevingin fyri krabbasjúk og teirra avvarðandi samlað undir einum taki, skrivar Kræftens Bekæmpelsen í tíðindaskrivi, og tað er Sermitsiaq, sum endurgevur.
Verkætlanin er eitt samstarv millum grønlenska krabbameinsfelagið, Neriuffik Kattuffiat og Kræftens Bekæmpelse í Danmark.
– Krabbamein er tíverri ein sjúka, sum ger um seg í Grønlandi, og nógvir sjúklingar og avvarðandi standa við truplum spurningum og ótta, samstundis sum sjúklingar noyðast at ferðast langan veg til viðgerð.
##med2##
Forkvinnan í grønlendska krabbameinsfelagnum, Elisabeth Lynge Hansen, sigur, at við nýggju húsunum fær Grønland fyri fyrstu ferð eitt samlað, trygt og sjónligt stað, har fólk kunnu fáa hjálp, vitan og felagsskap.
- Vit gleða okkum ógvuliga nógv at kunna bjóða sjúklingum og avvarðandi vælkomin í okkara nýggja og vakra hús, sigur hon.
Krabbameinshúsið verður bygt nærindis Dronning Ingrids Hospitali í Nuuk, og eftir ætlan stendur tað liðugt á sumri næsta ár.
Lesið eisini - https://www.sermitsiaq.ag/samfund/rejsegilde-kraeftpatienter-i-gronland-far-deres-eget-hus/2240040
