Tað gongur framvegis framúr væl hjá høvuðsvenjaranum hjá AIK Stockholm og hansara leikarum í bestu svensku fótbóltsdeildini, Allsvenskan.
Í dag spældi AIK Stockholm á heimavølli grannauppgerð móti Hammarby frammanfyri heili 50.000 áskoðarum.
Leingi sá út til, at dysturin fór at enda við javnleiki 0-0, men tveir minuttir inni í tíðini dómarin hevði lagt aftrat gjørdist John Guidetti stóra hetjan hjá AIK, tá hann skoraði sigursmálið til 1-0, tá hann gjørdist leysur í brotsteiginum hjá Hammarby.
At Mikkjal hevur vunnið á bæði Djurgården og Hammarby hevur alstóran týdning fyri AIK fjeppararnar.
AIK hevur vunnið 28 stig av 30 møguligum stigum í 10 teimum seinastu dystunum.
AIK liggur nú einum triðja plássi í deildini við 45 stigum, einum stigi meir enn Hammarby.
Og í dag er ógvuliga hóskandi: Mikkjalsmessa.
Komandi sunnudag klokkan 13 tekur AIK móti BK Häcken á heimavølli.
