Í samband við Virkið vár átakið hjá Klaksvíkar kommunu, skipar eldraráðið í norðoyggjum fyri hugnaligum tiltaki í avhaldshúsinum í Mikladali. Talan er bæði um frásøgn, gongutúr, felagssang og drekkamunn.
Markus í Norðnástovu fer at hugleiða um lívið fyrr og nú. Síðan verður farið ein gongutúr í bygdini, og aftaná verður sangur og drekkamunnur inni í avhaldshúsinum í Mikladali, skrivar klaksvik.fo.
Tiltakið byrjar kl. 16.30, og øll eru vælkomin. Tey sum ikki búgva á Kalsoynni, kunnu taka túrin við Sam kl. 15.30 og til ber at taka túrin heimaftur kl. 18.50.
Sambært skránni er tiltakið 30. apríl. Skráin sæst á klaksvik.fo.
