Í kvøld hevur ST-trygdarráðið verið á fundi um kjarnorkuætlanir hjá Iran.
Á fundinum hevur ST-umboð hjá USA, Dorothy Shea, sagt, at amerikanska álopið á iranskt kjarnorkuvirksemi rakk sínum endamáli og hevur minkað um møguleikan hjá Iran at framleiða kjarnorkuvápn tey næstu árini.
Hetta veit Reuters at siga í kvøld.
Tað var sunnudagin, at USA leyp á trý iransk kjarnorkuverk og soleiðis stuðlaði undir ísraelsku loftálopini á Iran. Amerikanski forsetin, Donald Trump, hevur sagt, at kjarnorkuskipaninar hjá Iran vórðu púrasta oyðilagdar í álopinum.
Í álopinum á Iran brúkti USA fleiri GBU-57 bumbur, sum viga meira enn 13 tons hvør.
##med2##
Men, ein fyribils greining hjá amerikansku fregnartænastuni bendir eftir øllum at døma á, at álopið bert hevur útsett iransku kjarnorkuætlaninar í nakrar mánaðir, og hetta upplýsa ónavngivnar keldur yvirfyri bæði CNN og New York Times.
Men, hesar útsagnir eru ikki falnar í góða jørð í Hvítu Húsunum, tí haðani verður sagt, at greiningarnar hjá fregnartænastuni hjá amerikanska verjumáaráðnum eru ikki í samsvar við veruleikan.
##med3##
