Rumenska verjumálaráðið upplýsir í dag, at ein russisk drona helst hevur verið í rumenskum loftrúmi í nátt.
Hetta var ein russisk álopsdrona, sum var á veg móti Ukraina, veit Reuters at siga í morgun.
Verjumálaráðið í Ukraina sigur, at dronan helst var í rumenskum loftrúmi í tríggjar minuttir.
Í samband við hendingina vórðu fýra rumensk jagaraflog send avstað at verja rumenskt loftrúm.
Tíðindini úr Rumenia um russisku dronuna verða sett í samband við russisku álopini á ukrainska býin, Izmail, í nátt.
Sagt verður, at trý fólk lótu lív í álopinum á Izmail, og 14 fingu løstir, siga myndugleikarnir í Ukraina.