Ein Flixbussur, sum var á veg úr Keypmannahavn til Wien, fór út av vegnum í nátt nærhendis Röbel í týska statinum Mecklenburg-Vestpommern.
Flixbus sigur, at 23 ferðafólk hava fingið skaða.
– Flixbus veitir sín fulla stuðul til ofrini og teirra avvarðandi og vit verða tøk at veita teimum neyðuga stuðulin, stendur í fráboðanini.
Felagið kann ikki upplýsa nærri um støðuna hjá teimum skaddu.
Sambært týska miðlinum Bild og NDR verður sagt, at ein persónur er álvarsliga særdur.
Viðkomandi var fastur í bussinum og varð skorin leysur eftir tveimum tímum.
Flixbus skrivar, at tað vóru tilsamans 53 ferðafólk og tveir bilførarar í bussinum. Tey óskaddu ferðafólkini eru flutt til býin Röbel.
Tey fáa hjálp til at koma til Berlin við avloysarabussi og fáa síðani bjóðað alternativan flutning til ferðamálið.
Vanlukkan hendi umleið klokkan 2:40 í nátt, skriva týskir miðlar.
Bussurin fór skeivur á motorvegnum A19 um Röbel.
##med2##
##med3##
##med4##
##med5##
/Ritzau/
