Eyðun Klakstein og Atli Gregersen, sum eru fyribilsvenjarar hjá manslandsliðnum, hava úttikið landsliðið til Nations League dystirnar móti Armenia og Norðurmakedónia seinni í hesum mánaðinum.
Ein av stóru søgunum var at bæði Páll A. Klettskarð og Hallur Hansson eru við aftur, eftir at hava givið avboð í eina tíð. Ein annar, sum hevur givið avboð til landsliðið í eina tíð er Árni Frederiksberg.
- Eg havi spurt tríggjar spælarar, sum ikki hava verið við í seinastuni, um teir eru tøkir til landsliðið. Tveir av teimum, Páll A. Klettskarð og Hallur Hansson, tóku av. Árni Frederiksberg fekk eisini spurningin, men hann tók ikki av, sigur Eyðun Klakstein, fyribils landsliðsvenjari.
Árni Frederiksberg hevur verið millum bestu spælararnar í føroyskum fótbólti seinastu nógvu árini, men hann hevur ongantíð fingið sítt gjøgnumbrot á landsliðnum. Hann er málrættaður og ambitiøsur vinnulívsmaður, og tað gjørdi at hann valdi at geva avboð til landsliðið undir Lars Olsen.
Avboðið stóð við undir Håkani Ericson, hóast svenskarin ringdi til hann, eftir at Árni Frederiksberg fekk sítt stóra gjøgnumbrot í evropiskum fótbólti við KÍ. Hann fekk eisini kjansin at koma við hesa ferð, men tók ikki av.
Málverjar:
Teitur M. Gestsson, HB
Bárður á Reynatrøð, Víkingur
Mattias H. Lamhauge, FC Fredericia (DK)
Verjan:
Andrias Edmundsson, Wisla Plock (Pólland)
Odmar Færø, KÍ
Gunnar Vatnhamar, Víkingur Reykjavík (Ísland)
Arnbjørn Svensson, Víkingur
Jóannes K. Danielsen, KÍ
Viljormur Davidsen, HB
Jann J. Benjaminsen, B36
Ási Dam, HB
Miðvallarar:
René Shaki Joensen, KÍ
Brandur Hendriksson, Fredrikstad FK (Norra)
Noah Hans Mneney, HB
Hanus Sørensen (Uttan felag)
Hallur Hansson, KÍ
Sølvi Vatnhamar, Víkingur
Jóannes Bjartalíð, Fredrikstad FK (Norra)
Adrian Justinussen, Hillerød (Danmark)
Poul Kallsberg, Víkingur
Álopið:
Meinhard E. Olsen, Mjøndalen IF (Norra)
Páll A. Klettskarð, KÍ
Petur Knudsen, NSÍ
