Meistari meistaranna, so flottur er titulin hjá einum íslendskum stórsteypavinnara.
Bjarni í Selvindi, Allan Norðberg og liðfelagarnir í Vali spældu í kvøld stórsteypadyst, sum verandi steypavinnarar móti verandi meistarunum, FH.
FH knógvaði ein 30-28 sigur. Í steðginum var støðan javnleikur 15-15.
Bjarni gjørdi tað framúr í sínum fyrsta kappingardysti fyri Val. Bjarni gjørdist toppskjútti hjá Vali við sjey málum. Allan skoraði tvey mál í stórsteypadystinum.
Komandi leygarkvøld klokkan 18.30 spælir Valur á heimavølli fyrra Play Off dystin um at røkka bólkaspælinum í EHF European League.
Dysturin verður móti kroatiska liðnum, Vinkovci. Returdysturin verður í Kroatia, leygarkvøldið 7. september klokkan 18.
