Í september 2023 elvdi tað til stórt forargilsi, at eitt kent ahorntræ varð felt í Norðurbretlandi.
Í dag varð dómurin sagdur teimum báðum monnunum í 30-árunum, sum áður vóru funnir sekir í at hava høgt Sycamore Gap træið niður.
Í einum bretskum rætti hava teir fingið fýra ár og tríggjar mánaðar fongsulsrevsing hvør.
Tað upplýsir tíðindastovan AFP.
Træið fekk ikoniskan status, áðrenn tað varð felt. Millum annað var tað við í filminum "Robin Hood: The Outlaw", sum kom út í 1991 og spælir amerikanski sjónleikarin Kevin Costner í høvuðsleiklutinum.
Tað varð eisini kosið ársins træ í Bretlandi í 2016.
Træið var eisini eitt vælumtókt motiv og hevði staðið við Hadrians múr, sum er heimsarvur hjá UNESCO, í næstan 200 ár, til tað varð felt.
Í dag segði dómarin í málinum, Christina Lambert, at træið var vorðið "eitt landamærki, eitt symbol uppá vakurleikan í sínum ótamda landslagi" fyri tey, sum búgva í økinum.
Teir báðir menninir, sum eita Daniel Graham, 39 ár, og Adam Carruthers, 32 ár, vórðu funnir sekir í at hava felt træið í mai.
Ritzau/AFP
