Hannover-Burgdorf heldur vetrar og HM-frí á fjórða plássinum í týsku bundesliguni við 26 stigum, og Flensburg-Handewitt heldur vetrar og HM-frí á fimta plássinum í bundesliguni við 24 stigum.
Jóhan á Plógv Hansen skoraði eitt mál í 39-27 (19-13) stórsigrinum hjá Flensburg á heimavølli í Flens Arena høllini móti Bietigheim.
Vilhelm Poulsen var ikki við hópinum hjá Hannover í kvøld, tá Hannover á útivølli vann 32-30 (15-18) á Leipzig.
Hannover og Flensburg spæla dystir aftur 9. februar. Jóhan fer nú at hugsavna seg um HM-endaspælið, meðan hoyvíkingarnir í bundesliguni fáa møguleikan at vera heima í Føroyum nakrar dagar.
