18 ára gamli, Gukesh Dommaraju úr India er yngsti HM-vinnarin í talvi nakrantíð.
Gukesh Dommaraju vann í HM-dystinum í Singapore á verandi heimsmeistaranum, 32 ára gamla Ding Liren úr Kina.
Gukesh Dommaraju vann samlað 7,5-6,5 í teimum 14 HM-dystunum.
Ding vann fyrsta talvið, meðan Dommaraju vann triðja og tíggjunda talvið. Ding vann ellinta talvið, men Dommaraju vann fjúrtanda og avgerandi talvið. Hini níggju talvini endaðu við remis (javnleiki).
Í India stórfegnast tey um HM-sigurin hjá Gukesh Dommaraju, og forsetin og aðrir framstandandi indarar hava verið skjótir at ynskja Gukesh Dommaraju hjartaliga tillukku við bragdinum.
