Í løtuni síggjast avsperringar settar upp á Áarvegnum í Havn framman fyri bygningin á Áarvegi 12, har sum Marstein handlaði við útvarps- og sjónvarpstólum fyrr. Hotel Hafnia hevur átt bygningin seinastu árini, tó at hann hevur verið útleigaður til annað virksemi.
Tummas Justinussen, nevndarformaður í Hotel Hafnia sigur, at tey hava í fleiri ár havt ætlanir um at taka bygningin niður og byggja nýggjan bygning á staðnum. Tað er hetta arbeiði, sum nú fer í gongd.
Talan verður um nýggjan bygning í fýra hæddum, sum skal nýtast til annað hotelvirksemi enn kømur. Har verða høli til matstovuvirksemi og fundarvirksemi, sigur Tummas Justinussen.
Uppi á takinum verður ein stór takterassa, sigur hann.
Tað er byggifelagið Eysturlon, sum byggir, og arbeiðið skal vera liðugt til 1. mars í 2026.
##med2##
##med3##
##med4##
##med5##
##med6##
##med7##
