Í minsta lagi 24 fólk hava latið lív eftir eina spreinging á einari tokstøð í landsynningspartinum av Pakistan í dag. Tað siga pakistanskir myndugleikar sambært Reuters.
Sambært fráboðanunum er talan um álop við sjálvmorðsbumbu í býnum Quetta, sum er høvuðsstaður í landslutinum Baluchistan. Landsluturin liggur í marknalandinum millum Pakistan, Afganistan og Iran.
Fleiri enn 44 fólk hava fingið skaða, vísir nýggjasta fráboðanin.
Pakistan stríðist í løtuni við fleiri álop frá loysingarhermonnum í suðri og islamistum í norðara parti av landinum.
/Ritzau/
