Landsliðsleikarin, Jana Mittún og liðfelagarnir í Viborg spældu í kvøld fyrsta dystin í bestu donsku hondbóltsdeildini hetta kappingarárið.
Á heimavølli í BioCirc Arena í Viborg tók heimaliðið móti Sønderjyske.
Viborg vann dystin 28-22. Í steðginum var Viborg á odda við bert einum máli, 13-12.
Jana skoraði tvey mál, og hon legði eisini upp til trý mál hjá liðfeløgunum.
Komandi týskvøld klokkan 19 spælir Viborg dyst á útivølli móti Herning-Ikast.
