Franska manslandsliðið í flogbólti endurvann olympiska gullið í South Paris Arena høllini.
Í finaluni móti Póllandi vunnu fraklendingar sannførandi 3-0.
Pólland hevði annars eina lítla favorittstøðu hjá veddingarfyritøkunum.
Frakland vann tvey tey fyrstu settini 25-19 og 25-20. Tað var meiri spenningur í triðja settinum, men tað megnaði Frakland eisini at vinna 25-23.
USA vann bronsu. Í bronsudystinum vann USA 3-0 (25-23, 30-28 og 26-24) á Italia.
Í morgin klokkan 12 spæla USA og Italia finaluna hjá kvinnum.
