Føroyska manslandsliðið í flogbólti spældi í dag annan dystin í Silver League.
Á Digranesi í Íslandi taptu Føroyar í dag 0-3 fyri Svøríki. Frægast gekk í fyrsta setti, men munurin var greiður í øllum trimum settunum.
Svøríki-Føroyar 3-0 (25-17, 25-15 og 25-13)
Ígjár vunnu Føroyar í somu høll 3-2 á Íslandi.
Komandi vikuskiftið spæla okkara tveir dystir á heimavølli í ítróttarhøllini á Sandi.
Fríggjakvøldið klokkan 19 spæla Føroyar móti Aserbadjan, og sunnudagin 22. juni klokkan 17 móti Eysturríki.
