Um middagsleitið í gjár gjørdi løgreglan ferðkanningar á Heiðavegi í Saltangará.
Hetta var á einum vegastrekki, har tað í mesta lagi er loyvt at koyra 30 kilometrar um tíman.
Vaktleiðarin á løgreglustøðini visti í morgun at siga, at her fingu tríggir bilførarar klipp í koyrikortið.
- Tað skal lítið til á vegastrekkjum við niðursettari ferð at fáa klipp í koyrikortið, sigur løgreglan.
Kanningarnar í gjár vardu bert í einar 40 minuttir, so á Heiðavegi í Saltangará eiga bilførarar at ansa sær.
Í kanningunum hjá løgregluni í Saltangará varð eisini ein bilførari tikin, sum er skuldsettur fyri at koyra ávirkaður av rúsevnum.
Vaktleiðarin visti í morgun at siga, at ein biførari eisini er tikin tíðliga í morgun fyri rúsdrekkakoyring.
- Hetta hendi norðarlaga á Streymoynni um 06.30-tíðina, sigur løgreglan.
