Í løtuni eru fimm partrolarapør til fiskiskap. Eitt par hevur landað í dag, og teir høvdu mest av hýsu.
- Hinir partrolararnir fáa mest av upsa og eitt sindur av hjáveiði, vit tey á Fiskamarkaði Føroya at siga í dag.
Um djúpvatnstrolararnar verður sagt, at ein ísfiskatrolari er á Íslandsrygginum, og ein frystitrolari fiskar svartkalva.
- Hinir liggja við bryggju, verður lagt aftrat.
Í løtuni eru fýra av teimum smáu trolbátunum á Skeivabanka, og ein er norðanfyri. Teir landa allir í vikuni.
Um garnaskipini verður sagt, at tvey fiska svartkalva, og annað skipið landar í dag.
- Hitt skipið landar seinni í vikuni. Garnaskipini hava smáligan fiskiskap, siga tey á Fiskamarknaði Føroya.
