Liðið hjá Jóannesi Bjartalíð, Fredrikstad spældi í kvøld dyst á heimavølli í bestu norsku fótbóltsdeildini. Á vitjan vóru verandi meistararnir, Bodø/Glimt.
Leingi sá út til, at dysturin fór at enda við málleysum javnleiki, men í 87. minutti eydnaðist tað Bodø/Glimt at skora sigursmálið.
Jóannes Bjartalíð var á vøllinum tað seinasta stóra korterið av dystinum.
Fredrikstad er nummar átta í deildini við 21 stigum.
Komandi sunnudag klokkan 18.15 spælir Fredrikstad dyst á útivølli móti Ham-Kam.
HER ber til frá norska TV2 at síggja hæddarpunktini frá dystinum millum Fredrikstad og Bodø/Glimt:
##med2##
