Nýkosnu Champions League meistararnir, Paris Saint Germain fingu eina góða byrjan upp á HM fyri felagslið í USA.
Í innleiðandi dystinum í bólki B vann PSG stórsigur 4-0 á Rose Bowl leikvøllinum í Pasadena í Kaliforniu.
PSG-Atletico Madrid 4-0 (2-0)
1-0 Fabian Ruiz ('19)
2-0 Vitinha ('45+)
3-0 Senny Mayulu ('87)
4-0 Lee Kang-in. br. ('90+)
Í bólki C legði týska stórliðið, Bayern München fyri við at vinna heili 10-0 á nýsælendska liðnum, Auckland City á TQL leikvøllinum í Cincinnati í Ohio. Leikararnir hjá Auckland hava ikki fótbóltin sum livibreyð, og fleiri av teirra stuðulsleikarum fingu ikki frí frá sínum arbeiðsgevarum fyri at kunna taka lut í HM fyri felagslið. So Auckland fær tað hart í hesari kappingini, har hini bæði liðini í bólki C eru Boca Juniors úr Argentina og Benfica úr Portugal.
Tey løgna við dagsins sigri var, at Harry Kane var á vøllinum í ein tíma, og hóast Bayern skoraði 10 mál, so megnaði Kane ikki at koma á máltalvuna í dag.
Annars er talan um størsta sigurin í søguni, tá um HM fyri felagslið ræður. Fyrr var talan um eina væl minni kapping við bert einum luttakara frá hvørjum heimsparti.
Bayern München-Auckland City 10-0 (5-0)
1-0 Kingsley Coman ('6 )
2-0 Sacha Boey ('18 )
3-0 Michael Olise ('20 )
4-0 Kingsley Coman ('21 )
5-0 Michael Olise ('45 )
6-0 Thomas Müller ('45 )
7-0 Jamal Musiala ('67 )
8-0 Jamal Musiala, br. ('73 )
9-0 Jamal Musiala ('84 )
10-0 Thomas Müller ('89 )
HER ber til at síggja ein samandrátt frá dystinum Paris Saint Germain-Atletico Madrid 4-0 (2-0):
##med2##
HER ber til at síggja ein samandrátt frá 10-0 stórsigrinum hjá Bayern München:
##med3##
