Jóannes Bjartalíð og Brandur Hendriksson átti stóran lut, tá Fredrikstad á útivølli megnaði javnleik 2-2 móti verandi meistarunum, Bodø/Glimt á Aspmyra leikvøllinum í Bodø.
Jóannes sum spældi allan dystin legði við einum góðum frísparki upp til Stian Molde, ið legði Fredrikstad á odda 1-0 fimm minuttir undan steðginum.
Í 75. minutti javnaði Patrick Berg fyri heimaliðið, og fýra minuttir gjørdi Stian Molde sjálvmál, og tá byrjaði at síggja svart út hjá Fredrikstad at fáa stig.
Men tá klokkan vísti 89 minuttir legði Brandur upp við einari góðari sending inn í brotsteigin, tá Henrik Skogvold javnaði til 2-2. Brandur var komin á vøllin 11 minuttir frammanundan Fredrikstad javnaði til 2-2.
HER ber til at síggja hæddarpunktini frá dystinum frá norska TV2.
