Gullbrandur í Horni Øregaard og liðfelagarnir í Sandnes ULF endaðu aftast í næstbestu norsku fótbóltsdeildini.
Í vikuskiftinum gjørdist talan um 1-3 tap fyri Egersund á útivølli. Egersund var á odda 2-0 í steðginum, og økti til 3-0 í fjórða minutti í seinna hálvleiki.
Gullbrandur minkaði um munin til 3-1 tá hann gjørdist leysur í brotsteiginum hjá Egersund stutt undan leikloki. Talan var um fyrsta og einasta málið hjá Gullbrandi hetta kappingarárið. Gullbrandur fekk leiktíð í 21 dystum hjá Sandnes í júst farna kappingarárinum.
Gullbrandur er tættur sum tunnan, tá vit á in.fo frittu hann hvar hann fer at spæla komandi kappingarár.
HER ber til at síggja málini frá dystinum Egersund-Sandnes ULF 3-1 (2-0):
##med2##
