Tíðindaskriv:
Í FM-finalunum hjá kvinnum verður talan um eina endurtøku av FM-finaluni í fjør, har tær báðar TBF-kvinnurnar, Anja Wongwai og Britt Michelsen, sum nú undir lesnaði í Danmark umboða Amager BTK, aftur fara at hittast. Síðsta ár var Anja Wongwai omaná og vann sítt fyrsta FM-heiti, og spennandi verður at síggja hvør teirra megnar at vinna sítt annað FM-heiti. Britt var nevniliga føroyameistari fyrraárið.
Hjá monnunum verður ikki talan um eina endurtøku av FM-finaluni í fjør. Hálvføroyski Albert Weihe Wolfsberg, sum hevur verið føroyameistari síðstu trý árini, spældi seg uttan stórvegis hóvasták í finaluna, har hann í ár hittir 19 ára gamla Ára Fríðason Jensen, sum er í síni fyrstu FM-finalu. Ári megnaði í hálvfinaluni heldur óvæntað at vinna 4-3 á stórabeiggja sínum, Fróða, sum í ár má taka til takkar við bronsuni.
Ári er hin triði og yngsti í systkinaflokkinum, sum nú hevur megnað at spælt seg í FM-finaluna í einmansleiki. Eldru systkini, Fróði og Durita, hava eina røð av FM-heitum í skjáttuni. Fróði hevur verið føroyameistari í 2012, 2014, 2018, 2019 og 2021, meðan Durita hevur verið føroyameistari í 2014, 2015 og 2019.
Tilsamans fimm FM-finalur í borðtennis verða spældar í morgin á stóra felags Kontrast FM-finaludegnum hjá borðtennis, badminton og judo. Yvirlit yvir finalurnar og úrslit frá innleiðandi kappingunum síggjast niðanfyri.
Einmansleikur - menn
Fjórðingsfinalur
Albert Weihe Wolfsberg (Hillerød GI) – Poul Knút Poulsen (TBF) 4-0
Rasmus Teitsson í Skorini (Tór) – Peter Hentze Niclasen (Tór) 4-2
Fróði Fríðason Jensen (Tór) – Vagnur Kjærbech Nolsøe (TBF) 4-0
Ári Fríðason Jensen (Tór) - Jósva Fonsdal Højgaard (TBF) 4-0
Hálvfinalur
Albert Weihe Wolfsberg (Hillerød GI) - Rasmus Teitsson í Skorini (Tór) 4-0
Fróði Fríðason Jensen (Tór) - Ári Fríðason Jensen (Tór) 3-4
Finala
Albert Weihe Wolfsberg (Hillerød GI) - Ári Fríðason Jensen (Tór) – leygardagin kl.14:55
-
Einmansleikur - kvinnur
Hálvfinalur
Anja Wongwai (Amager BTK) – Elinborg C. Mortensen (TBF) 4-2
Britt Michelsen (Amager BTK) – Hadassa S. Christiansen (Tór) 4-1
Finala
Anja Wongwai (Amager BTK) - Britt Michelsen (Amager BTK) - leygardagin kl.13:15
Tvímansleikur - menn
Fjórðingsfinalur
Knútur Jóannesarson (Tór) / Sveinur Mortensen Nolsøe (Tór) - Rasmus Teitsson í Skorini (Tór) / Teitur Haraldsen Albinus (Tór) 3-1
Bogi Gardar Bringsberg (Tór) - Jóel E. Bringsberg (Tór) - Jósva Fonsdal Højgaard (TBF) / Poul Knút Poulsen (TBF) 2-3
Hálvfinalur
Albert Weihe Wolfsberg (Hillerød GI) / Ári Fríðason Jensen (Tór) - Jósva Fonsdal Højgaard (TBF) / Poul Knút Poulsen (TBF) 3-0
Fróði Fríðason Jensen (Tór) / Hallur Thorsteinsson (Tór) - Knútur Jóannesarson (Tór) / Sveinur Mortensen Nolsøe (Tór) 3-0
Finala
Albert Weihe Wolfsberg (Hillerød GI) / Ári Fríðason Jensen (Tór) - Fróði Fríðason Jensen (Tór) / Hallur Thorsteinsson (Tór) – leygardagin kl.10:40
Tvímansleikur – kvinnur
Hálvfinala
Elsa Kathrina Gisladóttir (Tór) / Hadassa S. Christiansen (Tór) / Elinborg C. Mortensen (TBF) / Majken Hammer (TBF) 3-0
Finala
Anja Wongwai (Amager BTK) / Britt Michelsen (Amager BTK) - Elsa Kathrina Gisladóttir (Tór) / Hadassa S. Christiansen (Tór) – leygardagin kl.10:00
Blandaður tvímansleikur
Fjórðingsfinalur
Elinborg C. Mortensen (TBF) / Vagnur Kjærbech Nolsøe (TBF) – Majken Hammer (TBF) / Poul Knút Poulsen (TBF) 3-0
Hadassa S. Christiansen (Tór) / Rasmus Teitsson í Skorini (Tór) – Elsa Kathrina Gisladóttir (Tór) / Jósva Fonsdal Højgaard (TBF) 3-2
Hálvfinalur
Britt Michelsen (Amager BTK) / Albert Weihe Wolfsberg (Hillerød GI) - Elinborg C. Mortensen (TBF) / Vagnur Kjærbech Nolsøe (TBF) 3-0
Anja Wongwai (Amager BTK) / Ári Fríðason Jensen (Tór) - Hadassa S. Christiansen (Tór) / Rasmus Teitsson í Skorini (Tór) 3-0
Finala
Britt Michelsen (Amager BTK) / Albert Weihe Wolfsberg (Hillerød GI) - Anja Wongwai (Amager BTK) / Ári Fríðason Jensen (Tór) – leygardagin kl.11:20
