Í nátt føroyska tíð spældu Argentina og Kanada setanardyst í Copa America frammanfyri 71.000 áskoðarum á Mercedes Benz leikvøllinum í Georgia í USA.
Argentina vann ein sannførandi 2-0 sigur. Julian Alvarez legði Argentina á odda í 49. minutti, og stutt áðrenn dystarenda økti Lautaro Martinez til 2-0 aftaná eitt gott upplegg frá Lionel Messi.
Við hesum dystinum hevur Lionel Messi sett met. Hann er fyrsti leikarin í søguni, ið hevur spælt 35 dystir í Copa America kappingini.
Argentina, ið er verandi Copa America meistari er í innleiðandi bólki A, har hini liðini umframt Kanada eru Peru og Chile.