Umgyrdur av familjuni er Donald Trump vígdur sum forseti í Capitol-bygninginum í Washington, D.C.
Donald Trump varð fyri løtu síðani tikin í eið sum 47. forseti í USA, vísa sjónvarpsmyndir úr Capitol-bygninginum í Washington, D.C.
Harumframt hevur J.D. Vance svorin í eið sum varaforseti.
Donald Trump, í myrkum klædningi, hvítari skjúrtu og lilla slipsi, var umgyrdur av børnum og konu sínum, meðan hann var tikin í eið.
Hetta er aðru ferð, at Donald Trump er forseti. Fyrsta forsetaskeið hansara var frá 2017 til 2021.
Eftir eina tónleikaframførslu fór Trump á pallin, har hann nú heldur sína vígslurøðu.
- Gulløldin í Amerika byrjar beint nú.
- Hvønn dag undir Trump-stjórnini fari eg heilt einfalt at seta Amerika fremst.
- Fyrsta raðfesting okkara verður at skapa eina tjóð, sum er stolt, vælferðarrík og fræls, segði Trump í sínum byrjanarorðum.
/Ritzau/
