Seinasta náttin var ikki hin ringasta, sum verið hevur í Ukraina seinastu tíðina, har fleiri fólk hava latið lív í russiskum álopum.
Men, heilt undan álopum slapp Ukraina heldur ikki í nátt.
- Ein maður læt lív, og fleiri fólk vórðu særd, tá ein russisk drona rakti ein íbúðarbygning í ukrainska ídnaðarbýnum, Dnipropetrovsk.
Tað sigur ein av leiðarunum í Dnipropetrovsk, Mykola Lukashuk, á Telegram.
Lagt verður aftrat, at tríggir íbúðarblokkar vórðu raktir í russiska álopinum í nátt.
