Liðið sum Mikkjal K. Thomassen er høvuðvenjari hjá, AIK Stockholm leggur aftrat dystunum, har teir eru ósigraðir í bestu svensku fótbóltsdeildini.
Í dag spældi AIK dyst á útivølli móti Kalmar FF.
Tað eydnaðist AIK at vinna dystin 1-0. Finski Onni Valakari skoraði sigursmálið fýra minuttir aftaná steðgin.
AIK Stockholm hevur vunnið 19 av 21 stigum sjey teir seinastu dystirnar í Allsvenskuni.
AIK Stockholm er nú nummar fýra í deildini við 39 stigum. Teir eru bert eitt stig aftanfyri Hammarby, ið teir møta heima á Strawberry Arena, sunnudagin 29. september klokkan 13.
AIK Stockholm hevur eisini bert trý stig upp til liðið sum er næstfremst, Djurgården.
Í AIK Stockholm vænta tey nú, at tað verður útselt til grannauppgerðina móti Hammarby, ið verður leikt um átta dagar.
