Úr Norðragøtu halda Rynkeby-súkklararnir leiðina fram út í Saltangará, har steðgað verður á deildini hjá Betri í dag frá klokkan 13.35 til 14.
Í samband við tiltakið í Saltangará verður stongt fyri allari ferðslu frá Heiðavegi 22 til Heiðaveg 40 frá klokkan 13 og í umleið tveir tímar.
Í Runavíkar kommunu siga tey, at ferðslan í hesum tíðarskeiði verður víst til Gulasteinsveg.
Á Toftum verður rímiliga stórt tiltak, tá súkklararnir vitja við Undirhúsið klokkan 14.10 í dag, og tað er kommunan, sum skipar fyri.
Borgarstjórin fer at bjóða vælkomin og siga nøkur orð, og Hervør á Torkilsheyggi og bólkur fara at framføra nakrar sangir.
Kommunan bjóðar kaffi, te, leskidrykk og okkurt gott til góman.
- Øll eru vælkomin at møta upp og heilsa upp á súkklararnar, sum nú byrja longu ferðina til París, siga tey í Nes kommunu.
