Hann var skipari á Smyril frá byrjan í 1975, tá Smyril fór í millumlandasigling millum Føroyar, Noreg, Skotland og Ísland og frá 1981 eisini til Danmarkar.
Óli Hammer var stovnari og fyrst stjóri í Smyril Line, sum varð stovnað í 1982 og sum keypti Norrønu, sum yvritók siglingina hjá Smyrli í 1983. Í 2003 kom nýggja Norrøna, sum hevur røkt ferðafólkasiglingina millum Føroyar og umheimin seinastu 21 árini.
Óli Hammer er føddur í Oyndarfirði 4. juli í 1944, har familjan búði fyrstu fimm ár hansara. Pápin Hendrik var úr Oyndarfirði, og mamman Jona var frá Norðskála.
Óli er giftur við Marthu, f. Weihe av Selatrað.
Føðingardagin heldur Óli í Dansfrøi í Havn í dag, har hann hevur boðið til stóra veitslu í dag frá klokkan 16 til 20. Og hann hevur opið hús og bjóðar øllum við.
– Tykkum nýtist ikki at boða frá, tað er bert at koma! Tað hevði glett meg at heilsa uppá so nógv av tykkum, sum møguligt, skrivar Óli í lýsing í Sosialinum.
Lesið samrøðu við Óla Hammer í Sosialinum niðanfyri:
##med4##
