Jan Restorff 25 ára starvsdag á Søllerød Kro

Mikudagin 1. mai eru 25 ár síðani, at Jan Restorff byrjaði sum matstovustjóri á kendu donsku matstovuni Søllerød Kro

Eirikur Lindenskov

27.04.2024 (16:58)

Havnarmaðurin Jan Restorff, sum er ímyndin av Søllerød Kro, hevur verið í starvinum sum matstovustjóri síðani 1. mai í 1999.

– Síðani tá hevur hann hevur hann vart og ment víðari andan á Søllerød Kro, sum í allar dagar hevur verið at sett gestin í miðdepilin. Tað snýr seg ikki um stórar armrøslur, men tvørturímóti at síggja tørvin hjá gestinum, áðrenn gesturin sjálvur sær hann, skrivar Søllerød Kro um matstovustjóran.

Søllerød Kro er ein gomul krógv, stovnað í 1677. Matstovan er í gamla partinum av Søllerød í Norðursælandi, og hon hevur ein stjørnu í Michelin guidini, sum tey hava vunnið aftur á hvørjum ári síðani 2007 tað vil siga 17 ferðir á rað.

Fyrstu Michelin-stjørnuna fekk matstovan longu í 1987.

##med6##

Maturin er ein stórur partur av upplivingini á Søllerød Kro, men tað, at gestirnir kenna seg væl til passar á annan hátt eisini á matstovuvitjanini, er ein eins týðandi lutur.

– Og tað hevur Jan Restorf í skjótt 25 ár verið undangongumaður fyri á Søllerød Kro, eitt bragd, sum millum annað hevur havt við sær, at matstovuguidin White Guide gjørdi bart og umdoypti árligu tæanstuvirðislønina til »Årets Jan Restorff«.

##med2##

Brennandi hugurin fyri góðu tænastuni stendur ikki einsamallur. Saman við honum er ómetaligi eldhugin fyri vínheiminum, og av somu orsøk er tað eisini hann, sum er arkitekturin aftan fyri vínkortið og vínmenuirnar á Søllerød Kro, skrivar krógvin. Og tey halda fram:

– Fyri Jan Restorff er vín meira enn bert ein drekkivøra. Tað er ein endurspegling av menniskjum, tíð og stað, sum hann elskar at greiða frá, tá hann varnast, at gestirnir vilja vita meira. Øll árini hevur hann bygt út vínkortið hjá Søllerød Kro, sum er bæði djúpt og breitt. Fleiri ferðir er tað kosið til »Danmarks bedste vinkort« av Den Danske Spiseguide eins og í White Guide.

##med3##

Jan Restorff er av gitnu Restorff familjuni á Hotel Hafnia í Havn. Hann er føddur í Havn 6. desember í 1967. Foreldrini vóru Johan M. og Esther Restorff. Jan hevur verið giftur við Kira D. Restorff síðani 30. mars í 1999. Hon er úr Rødorvre.

Hann var í læru sum reseptiónsnæmingur á Glostrup Park Hotel frá 1986-88. Tænaralærlingur á SAS Royal CPH frá 1988-1990. Upptikin í DK Sommelier Forening í 1991.

Tænari á Søllerød Kro í 1991. Sommelier/restaurantchef á SAS Royal CPH 1992-94;

restaurantchef, Glostrup Park Hotel, Restaurant La Cocotte 1994-99; restaurantchef/dagligur leiðari/uppvartari, Søllerød Kro fra 1999.

##med4##

##med5##

Heiðrar:

Årets sommelier - Den Danske Spiseguide 2004

Champagne-prisen - Danmarks Bedste Spisesteder 2004

Årets bedste restaurant - Den Danske Spiseguide 2005 & 2018

Årets Service (tænasta) - Årets Ret (Gericke) 2007

1 stjørnu (17 ferðir) - Michelin Guiden 2007-2023

Danmarks bedste vinkort - Den Danske Spiseguide (9 ferðir)

Årets udskænkning - Årets Ret (Gericke) 2009