Tíðliga í dag spældi liðið sum Mikkjal K. Thomassen er høvuðsvenjari hjá, AIK Stockholm venjingardyst móti norska liðnum, Molde FK.
Dysturin var spældur á La Nucia leikvøllinum í Marbella í Spania.
Dysturin endaði við 1-0 sigri til AIK. Sigursmálið skoraði liberianski miðvallarin, Emmanuel Gono í 85. minutti.
Talan er um fyrsta sigurin hjá AIK í 2025. Fyri fýra døgum síðani tapti AIK 0-2 (0-1) fyri kekkiska liðnum, Viktoria Plzen.
Mikkjal fekk testað 21 leikarar í dagsins dysti.
Komandi leygardag klokkan 12 spælir AIK venjingardyst ímóti Brommapojkarna, ið eins og AIK spælir í bestu svensku fótbóltsdeildini.
