Russar halda fram við álopum á Ukraina. Í gjár lótu níggju fólk lív, og nógv fólk vórðu særd.
Aftur í nátt hava russar lopið á við dronum, og tvey fólk hava latið lív, umframt at átta onnur eru løstað.
Útlendskir miðlar vita í morgun at siga, at í nátt varð ukrainski býurin, Pavlohrad, fyri russiskum álopum.
- Men, tað var ikki bara Pavlohrad, sum var raktur, veit norska kringvarpið NRK at siga í morgun.
Russar hava eisini lopið á næst størsta bý landsins, Kharkiv, har fleiri bygningar eru oyðilagdir.
Higartil er einki frætt um, at fólk hava latið lív í álopunum á Kharkiv, sum liggur nærindis markinum til Russlands.
Tað er einki, sum bendir á, at russar vilja frið í Ukraina, tó at arbeitt hevur verður við at fáa í lag eina vápnahvíld.
