Í dag, hin 27. juni, byrjar súkkluferðin hjá Team Rynkeby, og aftur í ár er fráferðin úr Klaksvík.
Súkklað verður klokkan 11.15 frá Smæruni á Kjalarvegi 48 í Klaksvík, men fyri fráferðina verður skipað fyri hugnaløtu við tónleiki, røðum og ábiti.
- Børn úr dagstovninum, Blákolluni, selja myndlist og lata stuðulin til Team Rynkeby. Eisini verða tvær gávuhandanir í Klaksvík í morgun.
Á heimasíðuni hjá Klaksvíkar kommunu verður sagt, at tiltakið í Klaksvík byrjaði nú klokkan 10.30.
Karl Johansen, borgarstjóri og Sigrun Niclasen, umboðandi Team Rynkeby, halda røður og síðan verður bjóðað kaffi og lagkøka í Smæruni.
- Eisini verður okkurt gott til børnini. Øll eru hjartaliga vælkomin, siga tey í Klaksvíkar kommunu í dag.
