Eg havi roynt at funnið eitt dýrari projekt á heimsplan enn Suðuroyartunnilin, tá talan er um infrastruktur. Enn havi eg onki projekt funnið, sum er dýrari per íbúgva.
Her eru trý dømi úr rúgvuni:
Big Dig í Boston, USA:
Hendan vegatunnilsverkætlanin kostaði yvir 21,5 milliardir USD, men við einum fólkatali í Massachusetts uppá yvir 6 milliónir, er kostnaðurin per íbúgva nógv lægri enn fyri Suðuroyartunnilin.
World Trade Center Transportation Hub í New York, USA:
Kostaði umleið 4 milliardir USD, og hóast hetta er ein av dýrustu jarnbanastøðum í heiminum, er kostnaðurin per íbúgva í New York nógv lægri enn fyri Suðuroyartunnilin.
HS2 í Bretlandi:
Hendan jarnbanaverkætlanin kostaði millum 111 og 121 milliardir USD, men við einum fólkatali í Bretlandi uppá yvir 66 milliónir, er kostnaðurin per íbúgva nógv lægri enn fyri Suðuroyartunnilin.
Um vit siga, at tunnilin kostar 4.4 milliardir, so er hann:
- 3,3 ferðir dýrari enn Big Dig í Boston.
- 7 ferðir dýrari enn HS2 í Bretlandi.
- 24 ferðir dýrari enn World Trade Center Transportation Hub í New York.
Og siga vit, at tunnilin kostar 6 milliardir, er hann:
- 4,5 ferðir dýrari enn Big Dig í Boston per íbúgva
- 9,6 ferðir dýrari enn HS2 í Bretlandi per íbúgva
- 32 ferðir dýrari enn World Trade Center Transportation Hub í New York per íbúgva
Hetta er ikki bara ein dýr verkætlan. Hetta er tann dýrasta í heiminum í mun til fólkatalið, ið skal rinda prísin.
