Heri Hjalt Mohr og liðfelagarnir í Strømmen í triðbestu norsku fótbóltsdeildini mugu taka enn eitt ár í triðbestu deildini.
Fyrr í dag tapti Strømmen 1-2 fyri Follo á útivølli. Heri slapp á vøllin seinasta lítla korterið.
Nú bert tvey umfør eru eftir í bólki 2 í triðbestu deildini er Strømmen nummar sjey við 40 stigum. Níggju stig eru upp til Skeid Oslo á øðrum plássinum, og tí fór tann seinasti matematiski møguleikin hjá Strømmen at røkka øðrum plássinum við 1-2 tapinum í dag.
Leygardagin 19. oktober spælir Strømmen seinasta heimadystin hetta kappingarárið. Dysturin verður móti Ullsaker/Kisa.
