Síðani 2008 hevur skjótt 36 ára gamli, Thomas Müller verið partur av hópinum hjá besta liðnum hjá Bayern München.
Ígjár leikti Thomas Müller seinasta dystin fyri Bayern München, tá Bayern tapti 0-2 fyri Paris Saint Germain í HM-fjórðingsfinaluni fyri felagslið.
Í 756 dystum fyri Bayern München skoraði Thomas Müller 250 mál og legði upp til 276 mál.
Thomas Müller hevur vunnið týska meistaraheitið 13 ferðir, og týsku steypakappingina seks ferðir. Hann hevur vunnið Champions League tvær ferðir, og HM fyri felagslið tvær ferðir. Við týska landsliðnum vann hann HM-gull í 2014.
Thomas Müller hevur leikt 131 landsdystir, og hevur skorað 45 mál fyri Týskland.
Enn er ikki staðfest hvar yrkisleiðin hjá Thomas Müller heldur fram, men nógvar leysasøgur siga, at hann endar í bestu amerikonsku deildini, Major League Soccer.
