U21 EM-finalan í fótbólti hjá monnum verður millum Ongland og Týskland.
Í Bratislava vann Ongland 2-1 á Niðurlondum í hálvfinaluni. Harvey Elliott gjørdist stóra hetjan hjá Onglandi við at skjóta bæði málini.
Í Košice vann Týskland 3-0 á Fraklandi í hinari hálvfinaluni. Týskland skoraði tvey tey fyrstu málini fyrsta korterið av dystinum, og teir staðfestu sigurin í yvirtíðini.
Ongland-Niðurlond 2-1 (0-0)
1-0 Harvey Elliott ('62)
1-1 Noah Ohio ('72)
2-1 Harvey Elliott ('85)
Týskland-Frakland 3-0 (2-0)
1-0 Nelson Weiper ('8)
2-0 Nick Woltemade ('14)
3-0 Brajan Gruda ('90)
Finalan verður leikt leygarkvøldið klokkan 20 í Bratislava.
Í innleiðandi bólkaspælinum vann Týskland 2-1 á Onglandi. Onglendingar høvdu tó væl fleiri málmøguleikar í tí dystinum, og teir hava ment seg seinastu dystirnar.
