Í kvøld spældu Gunnar Vatnhamar og liðfelagarnir í Víkingi Reykjavík dyst á útivølli móti KR á Meistaravøllinum í Reykjavík. Víkingur kundi við sigri taka oddasessin frá Breiðablik.
Tað eydnaðist í fult mát hjá Gunnari og liðfeløgunum. Upp á bara 27 minuttir skoraði Víkingur trý mál í fyrra hálvleiki, og so var "ballið búið", sum tey plaga at taka til í Íslandi. Gunnar var skiftur út í 79. minutti.
KR-Víkingur Reykjavík 0-3 (0-3)
0-1 Gísli Gottskálk Þórðarson ('11 )
0-2 Valdimar Þór Ingimundarson ('22 )
0-3 Danijel Dejan Djuric ('38 , br.)
HER ber til frá Vísir/Stöð 2 at síggja málini Víkingur skoraði móti KR.
Komandi mánakvøld klokkan 19.15 spælir Víkingur dyst á útivølli móti Fylkir.
