Í dag hevur Politiið verið til staðar í Vestmanna í sambandi við eina tragiska hending.
Fráboðan kom klokkan 11 fyrrapartin um eitt arbeiðsóhapp í Heygadali í Vestmanna. Og tað vísti seg at vera ein arbeiðsvanlukka, ið endaði við at kosta eitt mannalív.
Ein arbeiðsmaður hevði verið til arbeiðis, og hann datt oman eftir einum hamara, meðan hann var í gongd við okkurt arbeiði.
Talan er um ein yngri føroyskan mann.
Tyrlan bleiv send norður eftir honum, men hann varð staðfestur deyður á staðnum.
Tey avvarðandi eru kunnað.
Politiið arbeiðir nú við at kanna málið nærri, og Arbeiðseftirlitið hevur eisini fingið boð um tað.
