Amerikanski forsetin, Joe Biden, broytir dómin hjá 37 av 40 deyðadømdum fangum í samveldisfongslunum í landinum.
Tað sigur Joe Biden, sum er ímóti deyðarevsing, í eini fráboðan.
Millum teir tríggjar fangarnar, sum verða verandi á deyðadømi, er Dzhokhar Tsarnaev, sum saman við beiggja sínum Tamerlan Tsarnaev stóð aftan fyri álopið á Boston Marathon í 2013.
Eisini Dylann Roof, sum er svorðin viðhaldamaður fyri hvítum yvirharradømi, og sum skeyt og drap níggju svørt fólk í eini kirkju í Charleston í 2015, verður eisini verandi deyðadømdur.
Seinasti deyðadømdi fangi, sum ikki fekk dómin broyttan, er Robert Bowers. Hann drap 11 jødar í eini sýnagogu í Pittsburgh í 2018.
Ritzau/AFP
