Í kvøld spældi liðið hjá Daniel Johansen og Adrian R. Justinussen, Hillerød dyst á heimavølli í niðara endaspælinum í næstbestu donsku fótbóltsdeildini.
Í Farum eydnaðist tað Hillerød, ið hevði Daniel og Adrian við frá dystarbyrjan at vinna 2-0 á Hobro.
Daniel legði upp til bæði málini hjá Hillerød. Fyrst legði Daniel upp til Tobias Arndal, ið legði Hillerød á odda 1-0 í 33. minutti. Seinni hálvleikur var tríggjar minuttir gamal, tá Monday Etim økti til 2-0.
Daniel spældi allan dystin, meðan Adrian var skiftur út aftaná 82 minuttir.
Sigurin gagnaðist eyka væl, tí Hobro var nærmasta liðið at hótta fyrsta plássið hjá Hillerød. Hillerød er nú langt fremst við 36 stigum. Teir eru níggju stig frammanfyri júst Hobro.
Sunnudagin 13. apríl spælir Hillerød dyst á útivølli móti HB Køge.
