Tá Remy á Kamarinum skuldi fara inn á skeinkistaðið hjá sær, Taboo í Sverrisgøtu í Havn týsmorguin, passaði lykilin ikki í hurðina. Hann slapp ikki inn. Eigarin hevði skift lásini. Nú fýra dagar seinni er hann framvegis ikki sloppin inn. Heldur ikki inn eftir ongarlutum sínum.
Eigarin av húsinum, byggifyritøkan HVT, hevur viljað havt leigaran út. Men leigarin hevur ein leigusáttmála, sum er galdandi til 2029. Hann varð spurdur, um hann vildi fara út aftur fyri endurgjald, nýgg fyribils høli og lyfti um at sleppa innaftur, tá nýggjur bygningur varð bygdur á staðnum. Men tað spurdist tó einki burturúr, sigur Remy á Kamarinum.
Síðani hevur eigarin lagt leigaran undir at hava brotið sáttmálan við m. a. at byggja terassur uttanfyri uttan loyvi. Men tað hevur hann ikki gjørt, tí tað gjørdi fyrrverandi eigarin, sigur Remy á Kamarinum, sum enn ikki er sloppin inn eftir sínum ognarlutum, og sum ikki fær goldið starvsfólkum løn, tí hann sleppur ikki fram at skjølum felagsins.
##med2##
Vit hava spurt eigaran, hví støðan er vorðin soleiðis. Men hann vil slett einki siga.
Lesið eisini: Tveittur á gøtuna uttan ávaring
– Eg havi onga viðmerking til hatta, sigur Regin Petersen, stjóri í HTV, sum eigur felagið, sum eigur húsið. Tað er sama felag, sum í síðstu viku seldi Tórshavnar býráð Kondittaríið – og sum skal byggja ein nýggjan bygning, har gamla bommvirkið hjá Frants Restorff stendur.
##med3##
Men eftir stendur Remy á Kamarinum við einum leigusáttmála, sum er galdandi til 2029. Ein sáttmála, sum útleigarin hevur fingið við í keypinum, tá hann keypti ognina, men sum hann eftir øllum at døma ikki ætlar sær at halda. Um hetta fær eitt rættarligt eftirspæl, er ikki greitt enn. Men um eigarin hevur tikið húsini niður, áðrenn ein avgerð er falliln, so tað líka vítt sum sítt hjá Remy á Kamarinum og skkeinkistaðnum Taboo, sum soleiðis orðsins rætta týdningi í dag hevur fingið seymin í hurðina – ella rættari, man brúkar ikki longur seym til slíkt, men skrúvur. Og har eru hundraðtals skrúvur skrúvaðar í plankar fyri øll vindeygu og hurðar, sum nakar kundi hugsast at farið ígjøgnum, sum myndirnar vísa.
##med4##
##med5##
##med6##
##med7##
##med8##
