Føroyska kvinnulandsliðið, ið vann ein fult uppibornan 2-0 sigur á Moldova á Tórsvølli í dysti í bólki 1 í Nations League Deild C hevur góðar møguleikar at fáa enn ein sigur á Tórsvølli týsdagin klokkan 17.
Tá vitjar Gibraltar á Tórsvølli. Gibraltar legði í kvøld á heimavølli rygg til eitt 0-8 stórtap fyri Slovakia. Gibraltar hevur enn til góðar at skjóta fyrsta málið í kappingini.
Slovakia, ið er sterkasta liðið í bólkinum var á odda 3-0 í steðginum.
Aftaná trý umfør hevur Slovakia níggju stig. Føroyar hava seks stig, og Moldova hevur trý stig. Gibraltar er aftast við ongum stigi.
Týsdagin klokkan 15 tekur Moldova móti Slovakia á heimavølli.
