Í góðveðrinum í dag savnaðust nógv børn og vaksin uttanfyri Korndalsgarð til Barnastafettina 2025.
- Tiltakið er partur av heilsuvikuni í Eiðis kommunu, og Barnastafettin er liður í einari verkætlan úr Danmark, sum kallast “Fri For Mobberi”.
Hetta skrivar Martin Kristoffur Kristiansen á heimasíðuni hjá Eiðis kommunu í dag.
Her verður víst á, at tað er Mary Fonden og Red Barnet, sum hava sett hesa verkætlan í gongd.
Verkætlanin er ætlað børnum í aldrinum 0-9 ár. Dentur verður lagdur á ymisk kjarnuviðurskifti, ið skulu basa happing millum børn.
##med2##
- Børnini byrjaðu við stuttari upphiting, sum millum annað varð skipað av maskottinum hjá “Fri For Mobberi”, Bamsuvinur.
Víst verður á, at eftir upphitingina varð runnið runt barnagarðin.
- Dentur var lagdur á, at renningin ikki var ein kapping, men heldur skuldi dentur leggjast á samstarv, samanhald og vinalag.
Tá stafettin var av, handaði borgarstjórin, Jógvan í Skorini og Bamsuvinurin, heiðursmerki og luttakaraprógv til øll børnini sum luttóku.
