Frakland í HM-millumbólki 2 gjørdi Danmark kunstin eftir, og vann sín millumbólk við fullum stigatali.
Í kvøld vann Frakland í seinasta bólkadystinum í Varazdin í Kroatia 32-25 á okkara HM-banamonnum, Norðurmakedonia. Í steðginum var Frakland á odda 18-14.
Dika Mem gekk undan við at skjóta átta mál fyri Frakland.
Frakland vinnur bólkin við 10 stigum. Ungarn er nummar tvey við sjey stigum. Niðurlond hava fimm stig, og Norðurmakedonia og Eysturríki hava fýra stig hvør. Katar endaði aftast í bólkinum við ongum stigi.
Mótstøðuliðini hjá Fraklandi og Ungarn í fjórðingsfinalunum vera væntandi Egyptaland og Kroatia.
Frakland-Norðurmakedonia 32-25 (18-14)
Toppskjúttar Frakland: Dika Mem 8, Nedim Remili 6, Melvyn Richardson 4, Nicolas Tournat 4.
Toppskjúttar Norðurmakedonia: Filip Kuzmanovski 8, Marko Mitev 4, Zharko Peshevski 3.
Katar-Ungarn 23-29 (12-12)
Toppskjúttar Katar: Zarko Markovic 6, Youssef Altaieb Ali 5.
Toppskjúttar Ungarn: Bence Imre 9, Bendegúz Bóka 4, Zoltán Szita 4, Gergö Fazekas 3.
Niðurlond-Eysturríki 37-37 (19-17)
Toppskjúttar Niðurlond: Luc Steins 7, Rutger Ten Velde 6, Lars Kooij 5, Niels Versteijnen 5.
Toppskjúttar Eysturríki: Sebastian Frimmel 7, Tobias Wagner 7, Lukas Hutecek 5, Nemanja Belos 5.
