Aftaná sløk avrik og tap fyri Brasil og Portugal fekk vertstjóðin, Noreg høvdið fyri seg í HM-endaspælinum í manshondbólti.
Tað eydnaðist Noreg í kvøld í HM-millumbólki 3 frammanfyri heimafjøldini í Unity Arena høllini í Bærum uttanfyri Oslo at vinna ein tepran, men sera týðandi 25-24 sigur á Spania.
Leingi sá út hjá Noregi. Spania var á odda 13-10 í steðginum, og var Spania eitt skiftið á odda 19-14 í seinna hálvleiki, men norðmenn stríddu seg manniliga innaftur í dystin.
Torbjørn Bergerud stóð væl í málinum, og við sjey málum gekk Tobias Grøndahl undan við málskjótingini.
Fyrr í dag leiktu Svøríki og Portugal javnleik 37-37 (18-18), og Brasil vann 28-24 (13-10) á Chile.
Portugal hevur fimm stig í HM-millumbólki 3. Svøríki og Brasil hava fýra stig. Spania hevur trý stig. Noreg hevur tvey stig, og Chile er aftast við ongum stigi.
Noreg-Spania 25-24 (10-13)
Toppskjúttar Noreg: Tobias Grøndahl 7, Sander Sagosen 4, Kristian Bjørnsen 3, Magnus A. Rød 3, Simen Lyse 3.
Toppskjúttar Spania: Imanol Garciandia 6, Daniel Dujshebaev 5, Alex Dujshebaev 4, Ferran Solé Sala 3.
Svøríki-Portugal 37-37 (18-18)
Toppskjúttar Svøríki: Albin Lagergren 7, Niclas Ekberg 6, Lukas Sandell 4, Eric Johansson 4.
Toppskjúttar Portugal: Luis Frade 7, Francisco Costa 5, Martim Costa 5, Victor Iturriza Alvarez 5.
Brasil-Chile 28-24 (13-10)
Toppskjúttar Brasil: Haniel Langaro 8, Gustavo Rodrigues 5, Rudolph Hackbarth 4.
Toppskjúttar Chile: Esteban Salinas 7, Erwin Feuchtmann 5, Matías Paya 5.
Skráin:
22. januar: Svøríki-Portugal 37-37 (18-18)
22. januar: Brasil-Chile 28-24 (13-10)
22. januar: Noreg-Spania 25-24 (10-13)
24. janaur: Spania-Portugal (klokkan 17)
24. januar. Svøríki-Brasil (klokkan 17)
24. januar: Chile-Noreg (klokkan 19.30)
26. januar: Portugal-Chile (klokkan 17)
26. januar: Spania-Brasil (klokkan 17)
26. januar: Noreg-Svøríki (klokkan 19.30)
