So er eisini innleiðandi bólkur A í HM-endaspælinum í manshondbólti avgreiddur.
Í Boxen-høllini í Herning vann Týskland greiðan 29-22 sigur á Kekkia. Kekkia var tó væl við í fyrra hálvleiki, og í steðginum var støðan javnleikur 11-11.
Í hinum dystinum í bólki A vann Sveis 30-28 (18-15) á Póllandi.
Týskland vinnur bólk A við seks stigum. Sveis hevur trý stig, Kekkia hevur tvey stig, og Pólland endar aftast við einum stigi.
Týskland tekur fýra stig við sær í millumumfarið. Sveis og Kekkia taka eitt stig hvør við sær í millumumfarið.
Í millumumfarinum skulu Týskland, Sveis og Kekkia spæla dystir móti Danmark, Italia og Tunesia.
Stórdystur millum Danmark og Týskland verður í Boxen í ovurmorgin.
Týskland-Kekkia 29-22 (11-11)
Toppskjúttar Týskland: Renars Uscins 8, Juri Knorr 5, Lukas Mertens 3, Marko Grgic 3, Lukas Zerbe 3.
Toppskjúttar Kekkia: Dominik Solák 7, Stanislav Kašpárek 4, Tomáš Piroch 3,
Pólland-Sveis 28-30 (15-18)
Toppskjúttar Pólland: Damian Przytuła 9, Kamil Syprzak 4, Ariel Pietrasik 4, Marek Marciniak 4.
Toppskjúttar Sveis: Lenny Rubin 5, Dimitrij Küttel 5, Noam Leopold 5, Gino Steenaerts 4, Lucas Meister 4.
