Útlenskir miðlar vita at siga, at hópgrøvin varð funnin í statinum, Chihuahua, og leivdirnar vórðu grivnar upp fyrr í hesi vikuni.
Tað sigur ákæruvaldið í Meksiko í tíðindaskrivi í dag.
Mannaleivdirnar eru nú sendar til rættarlæknaligar kanningar í einari roynd at eyðmerkja líkini og royna at finna út av deyðsorsøkini.
Chihuahua er ein av landslutunum í Meksiko, sum er hart raktur av kriminaliteti í samband við narkosamstarv og vápnasmugling.
Síðan myndugleikarnir í Meksiko byrjaðu stríðið móti veldugu narkotikakartellunum í 2006, eru skrásett fleiri enn 450.000 dráp í landinum.
- Haraftrat eru fólk í tíggjutúsundatali horvin sambært almennum tølum, veit tíðindastovan NTB at siga í kvøld.
